Immaculate Conception Cathedral Parish Ozamis Rotating Header Image

DATES AND FACTS Of the LOCAL CHURCH OF OZAMIZ

Cotta1

Sa sinugdan kining atong dapit ginganlan og Misamis. Naglangkob kining dakong kayutaan sa mga dapit sa Misamis Occidental, mga lalawigan sa Lanao del Norte ug del Sur, ngadto na sa tibuok lalawigan sa Misamis Oriental.

Sa dagan sa panahon, gipili ang Misamis (karon Ozamiz) nga Kapital kon Ulohan niining dakong kayutaan sa ka-Misamisan kon Distrito de Misamis diin dinhi sa Ozamiz karon (Misamis kaniadto) gihimo ang Bantayan kon Cotta.

Ginganlan ang maong Bantayan og “El Triunfo de la Cruz” o sa minubo “El Triunfo,” agi’g pahinungod sa Kadaugan sa Krus. Gipistahan kini sa Hulyo 16 matag tuig sumala sa nabatasan didto sa Nasud sa España.

Duol niining Cotta, nanimpalad ang pipila ka mga tawo nga kadaghanan kanila gikan sa Isla sa Bohol . Ang uban kanila mingpuyo usa sa dagkong kasubaan sa ka-Misamisan, sama sa Daisog (karon Lopez Jaena) uban sa mga Subanen. Ug gikan sa Lopez-Jaena milain sila puyo libot sa Cotta sa Misamis.

  • Feb. 6, 1624 – Ang Gobernador General, Fernando Tello, mibahin sa Mindanao ngadto sa duha ka territorio: gikan sa Punta Saluan paingon sa sidlakan alang sa mga Recoleto ug gikan sa Punta Saluan paingon sa kasadpan alang sa mga Jesuita. (Ang Misamis naapil niining naulahi.)

  • 1756 – Gibutangan ang Kapilya sa Cotta og Debulto sa Mahal nga Birhen. Ila kining ginganlan og “Nuestra Señora de la Concepcion y del Triunfo de la Cruz de Pangi.” Ug mao kini ang gipistahan matag Hulyo 16, matag tuig. Gimubo kini sa ngalan nga “Nuestra Señora del Triunfo” ug kini nahimong Patrona sa Cotta ug sa mga gagmayng pundok sa katawhan nga nianam paglambo isip lungsod sa Misamis padulong sa bukid.

  • 1768 – Pinaagi sa usa ka dekreto ni Hari Carlos III sa España gipasibat gikan sa mga territorio sa España (apil na sa Pilipinas) ang mga Paring Jesuita. Ug gitugyan nila sa mga Paring Recoleto ang territorio sa Bayug nga naglangkob sa mga lungsod sa Iligan ug Misamis, ug ang mga territorio sa Dapitan ug Zamboanga.

  • 1770 – Sa meeting sa mga Paring Recoletos niining tuiga, makita sa listahan nga si Padre Domingo de San Agustin mao ang Parish Priest niining tuiga.

  • 1830-1860 – Milambo sa hinayhinay ang mga misyon sa mga Pari nga Recoleto dinhi sa kayutaan sa Distrito sa Misamis. Ug sulod sa pipila lamang ka tuig nangahimo ang mga sentro nga mamahimo unya nga mga importanteng mga lungsod sa Misamis.

  • Oct. 16, 1852 – Usa ka Balaod sa España mitugot nga pabalikon ang mga Paring Jesuita nga kanhi gipa-pahawa sa tibuok gingharian.

  • Nov. 26, 1857 – Ang obispo sa Sugbu, Monsenyor Romualdo Jimeno, misulat ngadto sa Rayna sa España nga itugyan sa mga Paring Jesuita ang mga misyon sa Mindanao nga gidala sa mga Recoleto.

  • July 30, 1859 – Miluwat ug Balaod ang Rayna nga ang mga Paring Jesuita mupuli sa mga Recoleto sa hinayhinay dinhi sa Mindanao .

  • July 14, 1887 – Misulat ang superior sa mga Recoleto didto sa Madrid, Padre Toribio Minguella, ngadto sa Departamento sa mga Langyawng Butang (Foreign Affairs) sa Gingharian sa España nga ipabilin lang kanila ang Distrito sa Misamis kay dugay na kaayo nga naghago sila sa isla sa Mindanao ug wala nay mahabilin alang kanila nga makapahinumdom sa ilang mga gibuhat.

  • Sept. 9, 1887 – Tapos sa mga lantugi sa mga nanghingtungdan, miluwat ang maong Departamento ug usa ka dekreto, nga naglagda nga ipabilin ang mga pari nga Recoleto sa Distrito sa Misamis.

  • 1896 – May pito ka parokya kining tibuok dapit: Misamis, Loculan, Tudela, Palilan, Aloran, Layauan, ug Langaran.

  • 1919 – Mibiya ang katapusang misyonero nga Recoleto. Iyang gitugyan ang mga katoliko sa Misamis ngadto sa mga misyonerong Jesuita nga nagpuyo sa Iligan.

  • Jan. 27, 1951 – Gitipak ni Papa Pio XII ang Misamis Occidental gikan sa Lokal nga Simbahan sa Cagayan de Oro ug gihimo nga Prelatura nga may kaugalingong Katedral sa Ozamiz.

  • April 3, 1955 – Nahitabo ang dakong linog sa Ozamiz ug maoy hinungdan sa pagkahugno sa unang Cathedral.

  • Feb. 17, 1971 – Gihimo ni Papa Pablo Sexto nga Lokal nga Simbahan kon Diocese ang atong lugar.

  • Jan. 24, 1983 – Gihimo ang Ozamiz nga Archdiocese uban ang mga sakop niini nga mao ang Dipolog, Iligan Pagadian ug Santa Maria sa Marawi.

  • 1992 – Mihukom ang Arsobispo Monsenyor Jesus A. Dosado, C.M., D.D., sa pagpahimo og debulto sa Birhen sa Cotta pinasikad sa nahinumdoman sa katawhan aron ibutang kini atubangan sa Katedral.

  • <<< BACK

close window

Mass and Seminar Schedule

Mao kini ang mga schedules sa mga misa dinhi sa atong Cathedral.

Weekday Masses Cotta Shrine Masses Sunday Masses

Morning
5:30 - Cebuano
12:00 Noon - Cebuano

Afternoon
5:15 - Cebuano

Lunes
4:00 - Cementeryo
Katoliko, Aguada

5:00 - Every Thursday
5:30 AM - 2nd Friday
4:45 PM - Every Sunday

Morning
5:00 - Cebuano
6:15 - Cebuano
7:30 - Cebuano
8:45 - English
10:00 - Cebuano
12 Noon - Cebuano

Afternoon
2:45 - Cebuano
4:00 - Cebuano
5:15 - Cebuano
6:30 - Cebuano

Ang mga schedules sa seminar para sa bunyag, pre-cana ug confirmation mao kini:

PRE-BAP SEMINAR PRE-CANA SEMINAR CONFIRMATION SEMINAR

First Saturday
Third Saturday
Time: 1: 30 P.M

Ang bunyag matag Domingo sa may alas 11:15 sa buntag (except last Sunday)

Saturday and Sunday It begins Saturday before 2nd Sunday 8:00 A.M to 5:00 P.M

Fourth Saturday
Time: 1: 30 P.M