Luke 11:14-23 Ang Ginoo, akong Hari

Posted by: Fr. Sandy | March 31st, 2011

Adunay duha ka magkumpare nga palahubog nga nagdungan og kamatay. Tungod lagi kay dautan man ang ilang binuhatan dinhi sa yuta mao nga na-impyerno silang duha. Pag-abot na nila sa impyerno, nakadala man sila og bino mao nga nag-inom gihapon sila didto. Nahubog na sad sila. Matud pa sa isa, “Wala may lami ning inom nga walay pulutan.” Busa nangita silag pulutan. Nakabantay sila nga likod sa dakong kalayo adunay mananap nga sungayan ug ikogan. Mao nga nagsabot sila nga adtoon. Gigunitan sa isa ang sungay ug ang isa usab iyang gigunitan ang ikog. Miingon sila, “Sakto kayo ni pre para sa atong pulutan. Ayaw gyud buhii pre basin makadagan.” Wala sila makaila nga si Lucifer diay kadto, ang hari sa mga sala. Busa midali intawn og adto si Lucifer ngadto sa Ginoo ug mihangyo, “Lord, kuhaa na intawn tong duha ka palahubog nga na-impyerno kay dili man sila maka-ila og yawa. Hasta ako ilang himoong pulutan.”

Diha sa ebanghelyo, miingon si Jesus, “Ang banay nga magka-bahin-bahin ug magsige og away, maungkag gayud.” Ang mga tawo miingon nga si Jesus naggamit sa gahum sa yawa aron sa paghingilin sa yawa. Mao nga nangita sila og pagpamatuod kon diin siya gikan sa maong gahum sa pagpahawa sa yawa. Kon sa arguments pa kini, contradictory ug invalid kini.

Usa lamang ang pagpamatuod ang gipakita ni Jesus ngadto sa mga tawo: nga pinaagi kaniya ang Dios gayud mao ang naghingilin sa mga yawa. Ug diha sa pagbuhat ni Jesus niini, wala gayuy molabaw sa Ginoo.

Bisan kon atong hunahuna-on baya pag-ayo: Sama sa pintal, unsaon man pagwagtang sa kolor nga itom kon ang atong isapaw nga pintal color nga itom ra sad gihapon? Ato lamang mawala ang pintal nga itom kon ang atong isapaw nga pintal puti. Dili ba? Sama sa ngitngit nga kwarto, unsaon man pagwala sa kangitngit kon ang atong siradoan ang mga pultahan ug mga bintana ug wala nay kahayag sa adlaw nga makasulod? Mawagtang lamang ang kangitngit sa kwarto kon atong ablihan ang mga pultahan ug mga bintana ug pasudlon nato ang kahayag sa adlaw o pasigaon ang sugang dagitabnon.

Susama ni Jesus, mahinginlan lamang ang mga yawa kon kita anaa sa gahum sa Ginoo. Busa, sa paghupot nato niining gahum sa Ginoo, sundon ta si Jesus. Paharion ta ang Ginoo diha sa atong kinabuhi. Kon ang Ginoo maoy ania sa atong kinabuhi, wala gayuy luna ang yawa niini.

Busa, ato kining pangayoon nga grasya gikan sa Ginoo ilabina niining panahon sa Kwaresma.

 

Categories Father Sandy, Pastoral Letter | Tags: | Posted on March 31, 2011

Social Networks: RSS Facebook Twitter Google del.icio.us Stumble Upon Digg Reddit

Leave a Reply

close window

Mass and Seminar Schedule

Mao kini ang mga schedules sa mga misa dinhi sa atong Cathedral.

Weekday Masses Cotta Shrine Masses Sunday Masses

Morning
5:30 - Cebuano
12:00 Noon - Cebuano

Afternoon
5:15 - Cebuano

Lunes
4:00 - Cementeryo
Katoliko, Aguada

5:00 - Every Thursday
5:30 AM - 2nd Friday
4:45 PM - Every Sunday

Morning
5:00 - Cebuano
6:15 - Cebuano
7:30 - Cebuano
8:45 - English
10:00 - Cebuano
12 Noon - Cebuano

Afternoon
2:45 - Cebuano
4:00 - Cebuano
5:15 - Cebuano
6:30 - Cebuano

Ang mga schedules sa seminar para sa bunyag, pre-cana ug confirmation mao kini:

PRE-BAP SEMINAR PRE-CANA SEMINAR CONFIRMATION SEMINAR

First Saturday
Third Saturday
Time: 1: 30 P.M

Ang bunyag matag Domingo sa may alas 11:15 sa buntag (except last Sunday)

Saturday and Sunday It begins Saturday before 2nd Sunday 8:00 A.M to 5:00 P.M

Fourth Saturday
Time: 1: 30 P.M